МАГ Заварување

МАГ заварувањето е вид на електролачно заварување со активен заштитен гас (обично јаглерод диоксид CO2) или на мешавина на гас (Аргон + јаглерод диоксид, аргон + јаглерод диоксид + кислород). Овој процес на заварување се врши во сите позиции. Заварувањето со краток електричен лак дава најнизок внес на енергија во заварените материјали, така што го прави процесот на заварување погоден за заварување на тенок лим. Кога е потребно заварувањето да има убав изглед, а во исто време добар степен на квалитет на заварување, заварување со МАГ се врши со мешавина на гас со околу 80% аргон, 20% на CO2. Импулсното заварување се врши во сите позиции, без распрскување на капки.

МАГ заварувањето има широк спектар на употреба: кај производното заварување, наварување, и репарација на метални материјали. Овој тип на заварување има предност во однос на останатите заварувања од аспект на поголема економска исплатливост (повеќе заварени материјали во единица време, континуирана работа-без прекини за промена на електродата во процесот на заварување, помалку чистење на заварениот материјал).

МИГ Заварување

Миг заварувањето или електролачното заварување е тип на заварување со неутрален (инертен) гас кое може да биде полуавтоматски или автоматски процес на заварување, кој користи континуирано гола жица како електрода за заварување. Iстиот е заштитен со инертен (неутрален) гас или полуинертна мешавина на заштитен гас (обично аргон) за заштита на заварениот спој од загадување. Процесот е побрз од рачно електролачно заварување. Електрода истовремено е и дополнителен материјал, што обично е истороден со материјалот што се завaрува.

Заварување се врши со рачна контрола на апаратот (делумно автоматизиран), механичка контрола или автоматска, со прилагодување на апаратот за заварување. Автоматската контрола е погодна за заварување на метали (слично на ТИГ заварувањето) со дебелина од неколку милиметри, во зависност од видот на материјалот. Главно се користи за заварување на железнички возила (алуминиум), садови, контејнери за прехранбената индустрија (NiCr, Al), цевки (NiCr, Al). МИГ заварувањето за разлика од ТИГ заварувањето има поголема економска исплатливост од  процес на брзина на заварување (повеќе заварени материјали во единица време)

ТИГ ЗАВАРУВАЊЕ

TIG (односно WIG) – Tungsten Inert Gas (волфрам-инертен-гас)

Постапката се изведува во заштитна околина од инертен гас Аргон или Хелиум (односно мешавина од инертни гасови ).TIG постапката на заварување има широка примена и се сметка како најуниверзална постапка (во обзир на опсег на ма теријали на кој може да се примени : кај наварување и репаратурно заварување на Алуминиумски легури и други нерѓосувачки материјали и легури.

Се применува за заварување на лимови и цевки со дебелина од 0,6 mm до 6 mm (макс 10 mm во повеќе случаеви - за поголема дебелина е веќе неекономичен). Иако TIG изворно е рачна постапка можна е и негова механизација . При тоа слично како и за MAG/MIG постапката се користи уред за дотур на додатен материјал (Жица ), како и извор струја .
За овој процес на заварување, жицата се додава  рачно. Оваа техника се употребува за тенок лим, нерѓосувачки челик и алуминиум.